Thomas Strakosha ka shkëlqyer në takimin e sotëm, atje ku Lacio ka fituar me rezultatin 2-0 ndaj Udineze. Gardiani shqiptar priti edhe një penallti, që mund të rihapte lojën në pjesën e dytë.
Vlerësimet për gardianin kuqezi ishin të mëdha, madje edhe nga vetë trajneri Inzagi: “Ishim në fitore 2-0, por pa pritjen e Strakoshës, loja do të ishte rihapur”, ka thënë tekniku i lacialëve. Ndërkohë duart “e Zotit” kanë bërë jehonë edhe në Itali.
Sipas mediave fqinje, është pikërisht shqiptar që mban gjallë ëndrrën e Lacios, për të arritur në “Champions League” për sezonin e ardhshëm. /Shqiperia.ch/