Një ngjarje e rëndë në fushën e futbollit ka bërë jehonë së fundmi nga mediat e Kosovës. Pikërisht në këtë trevë të Shqipërisë, ka ardhur një ndërhyrje në futbollin e femrave, që është për të vënë duart në kokë.
Teksa një futbolliste ishte duke e mbajtur për shumë kohë topin në zotërim, pëson një goditje nga rivalja e saj, që shkonte përtej sportit. Aspak e interesuar për topin dhe shumë për t’i thyer këmbën rivales. Padyshim që në momente të tilla futbolli është i fundit që intereson, pasi rrezikohet jeta e personave të caktuar dhe ndëshkimi duhet të jetë më i rëndi i mundshmi.
Por nuk mbaron këtu, pasi ajo që dhemb edhe më shumë, është kultura e munguar në Shqipëri. Pa marrë parasysh trevën, pasi probleme të tilla i hasim shpesh në vendin tonë. Gjatë videos që do të shihni më poshtë, dëgjohet edhe një zë i tretë nga dikush(trajner, stafi, bashkëlojtare apo tifoz), që i sygjeron protagonistëve në fushë skemën: “Shko dhe thyeja këmbët”. /Shqiperia.ch/