Arijanet Muriqi, është portieri shqiptar i cili është duke pritur debutimin me gjigantët e Mançester Sitit. Dëmtimi i portierit Bravo, e ka dërguar Muriqi si portier të dytë te anglezët, ndërsa një dëmtim i Ederson, do të bënte realitet ëndërrën më të madhe të shqiptarit.
Por, cili është idhudhi më i madh i tij? E çuditshme, por e vërtetë. Sulmuesi Stefan Jovetiç. Sipas një prononcimi të dhënë për faqen zyrtare të klubit, ka thënë se Jovetiç ishte arsyeja kryesore që ai zgjodhi klubin e Mançester Sitit.
Muriqi ka zgjedhur të përfaqsojë Kosovën, ndërsa sipas tij, për të ka pasur interesime nga klube të mëdha si Mançester Junajtid, Totenhem dhe Galatasarai. /Shqipëria.ch/