Taulant Seferi është një nga krenaritë e reja, por e çmuar po aq shumë sa edhe të tjerat te Shqipëria. Një nga lojtarët e vetëm që ka bërë gjithçka për t’iu bashkuar kuqezinjve, me gjithë kuptimin e fjalës. “Do e pres gjithë jetën një ftesë nga Kombëtarja, nuk ndërroj zgjedhje”, do të shprehej futbollisti i Young Boys.
Ndoshta Seferi nuk duhej të priste edhe kaq gjatë, pasi një ftesë e meritonte që në kohën e Panuçit. Me ekipin e Shqipërisë U-21 ka dhuruar spektakël të vërtetë dhe të gjithë tifozët e duan që t’i bashkohet Kombëtares A. Me ardhjen në stol të trajnerit Reja, situata mund të ndryshoj për mirë në lidhje me Seferin.
“Shqiperia.ch” e ka kontaktuar menjëherë lojtarin pas prezantimit të Rejas, duke marrë edhe komentin e tij të parë: “Është një trajner me përvojë shumë të madhe në Europë dhe shpresoj që t’i ecë mbarë me Kombëtaren tonë, që të kemi një të ardhme edhe më të mirë. I lutem Zotit që të kemi të gjithë së bashku vetëm suksese. Për mua ishte zgjedhja shumë e duhur, që të kishim një trajner me përvojë kaq të madhe si Reja”, ka thënë Seferi. /Shqiperia.ch