Sikur të mos mjaftonte ajo e humbje e Shqipërisë në transfertë ndaj Islandës me rezultatin 1-0, një lajm i keq vjen edhe nga Turqia. Një tjetër fitore e Kombëtares që drejtohet nga Gunesh, që kanë mundur në mënyrë të papritur Francën me rezultatin 2-0.
Fillimisht të gjithë e menduan si një kafshatë të lehtë Turqinë, duke u shprehur se nuk ishte më ajo e disa viteve të para. Por me ardhjen e Gunesh në stol, faktikisht kemi të bëjmë me një ekip më të mirë edhe se ajo që kemi parë më herët.
Asnjë gol të pësuar dhe tetë të shënuar, dominimi absolut në grupin ku gjendet dhe Shqipëria, po vjen nga Turqia. Tashmë shanset për kualifikimin e kuqezinjve minimizohen, pasi gjendemi 6 pikë larg Turqisë si rivali direkt dhe nuk kemi luajtur asnjë ndeshje me Francën. /Shqiperia.ch/