Në orët e fundit në mediat italiane ishte publikuar lajmi se legjenda e Juventusit, Bufon, mund të përfundonte te ekipi i Lacios. Megjithatë është agjenti i këtij lojtari, Silvano Martina, i cili flet qartë: “Nuk është e mundur që të ndodhë, pas ata kanë Strakoshën”.
E teksa ky diskutimi lihet pas, një tjetër hapet për merkaton e verës. Portieri shqiptar nuk e ka të garantuar qëndrimin te Lacio, pasi e kërkojnë skuadra të njohura në Angli. Pas Totenhemit që e ka dashuri të vjetër me gardianin kuqezi, është Arsenali që hidhet në sulm për të siguruar shërbimet e Strakoshës. Të paktën kjo vjen nga Italia, duke marrë parasysh faktin se londinezët e Emeri kërkojnë një portier, pas lënies së futbollit të Ceh. /Shqiperia.ch/