Frajburgu ka fituar me rezultatin e thellë 6-1 në miqësoren e zhvilluar së fundmi ndaj Offenburg. Sigurisht, asgjë për t’u diskutuar rreth fituesit në fushën e lojës, që ka dominuar që nga fillimi. Por ajo që duhet të veçohet, është lojtari që ka mbajtur shiritin e kapitenit te skuadra e Bundesligës.
Bëhet fjalë për mesfushorin e Shqipërisë, Amir Abrashi. Një vlerësim i madh për lojtarin kuqezi, që u rikthye nga një dëmtim i gjatë vetëm pak kohë më parë, për të luajtur sërish në nivelet më të larta. Kjo i shton edhe dozën e besimit Abrashit, për t’u konsideruar si një pjesë e rëndësishme e projektit në sezonin e ardhshëm. /Shqiperia.ch/