Takimi ndaj Udinezes u mbyll në mënyrën më të mirë të mundshme për portierin shqiptar, Thomas Strakosha. Ekipi i tij, Lacio, arriti të fitonte me rezultatin 2-0 dhe të mbajë ende gjallë shpresat e “Championsit”.
Por për më tepër, Strakosha mori rolin e protagonistit pasi priti edhe një 11-metërsh. De Paul do të gabonte përballë gardianit kuqezi, duke mos arritur të hap dot historikun e takimit. Gazetarët italianë e pyetën Strakoshën edhe në lidhje me trajnerin e ri të Shqipërisë, Rejan: “I dërgoj urimet e mia më të mira. Do të shihemi së shpejti mister. Për momentin jam i përqëndruar këtu”, ka thënë Strakosha.
Ndërkohë që në konferencën për shtyp si trajneri i Shqipërisë, Reja u shpreh se dënimi me përjashtim i portierit të Lacios te Kombëtarja ishte i tepruar, ndërsa mund të kalohej edhe me një gjobë. /Shqiperia.ch/