De Biasi mendojmë vetëm për ndeshjen e ardhshme

Dy fitore, një ndaj Maqedonisë dhe tjetër me Lihtenshtejnin dhe më pas humbja e pritshme me Spanjën. Me 6 pikë nga 9 të mundshme, Shqipëria është ende në garë për një vend në finalet e Botërorit “Rusi 2018”. Pas aventurës në Europian, Shqipëria e De Biasit kërkon të bëjë mrekullinë në një grup shumë të vështirë ku bën pjesë, përvec Spanjës, edhe Italia. Mirëpo në futboll kurrë nuk thuhet kurrë. Në një intervistë ekskluzive për “Tuttomercatoweb”, trajneri i kuqezinjve flet për rrugëtimin e Shqipërisë në eliminatoret e Botërorit.

“Të humbasësh ndaj Spanjës besoj se është normale për shkak të diferencave të dukshne në nivel teknik, – shprehet fillimisht De Biasi. – Gjithsesi, cdo ndeshje duhet analizuar dhe them se ndaj tyre luajtëm mirë. Jam i kënaqur me dy ndeshjet e fundit.”

Dhe më pas vjen një pyetje e drejpërdrejtë: Sa shanse ka Shqipërisë për të shkuar në Rusi?

Për De Biasin Shqipëria duhet të mendojë ditë pas ditë dhe duke qenë realiste. Me Spanjën dhe Italinë në grup, dy skuadra që kanë kampionë të mëdhenj, nuk mund të mendosh për kualifikimin por për ndeshjen e radhës.

60-vjecari nuk e ka të vështirë të bëjë një renditje të grupit në bazë të mundësisë që ka cdo skuadër. Spanja pa dyshim mbetet e para, sepse ka cilësi më të larta se kundërshtarët e tjerë të grupit, më pas vjen Italia, Shqipëria, Izraeli, Maqedonia dhe Lihtenshtejni. Megjithatë, De Biasi nuk heq dorë, Shqipëria do të tentojë deri në fund për vendin e dytë.

I pyetur për futbollistë të rinj të talentuar shqiptarë që mund të shkëlqejnë në futbollit elitar, De Biasi përmend Rey Manaj-n, të cilin e konsideron të ardhmen e Kombëtares Kuqezi.

Për italianin nuk përbën diferencë të madhe nëse drejton një përfaqësuese apo një klub. Gjithcka varet nga projekti që i ofrohet. Pasi i kërkohet një opinion për Serinë A, De Biasi thekson se Juventusi ka një avantazh shumë të madh ndaj rivalëve, por në futboll asgjë s’është e sigurtë. Garën më të fortë e sheh për vendin e tretë, ku sipas trajnerit të Shqipërisë do të rivalizojnë fort Roma, Napoli dhe Interi, pa harruar edhe Milanin.

About the author