Arlind Shabani pritet t’i bashkohet kombëtares shqiptare të 19-vjeçarëve. Lojtari që luan me Trepçën është monitoruar nga skautët e FSHF-së gjatë pergatitjes së ekipit të tij në Ohër, ku flitet se Shabani ka pranuar ftesën nga Shqipëria U-19.
Mesfushori do të jetë nën urdhërat e tranjerit Erjon Bogdanit, teksa me lojën e tij është krahasuar edhe si një Luka Modriç i ri.
Gjatë muajit janar, Arlindi pritet të promovohet në Belgjikë, pse jo duke arritur dhe një transferim që mund të bëjë bujë në kampionatin belg. E rëndësishme është se ky talent i është bashkuar Kombëtares së U-19 vjeçarëve të Shqipërisë dhe shumë shpejt do të jetë nën urdhrat e Bogdanit. /Shqipëria.ch/