Në ndeshjen e kaluar të Malagas, Keidi Bare iu afrua aq shumë kartonit të kuq, aqsa shumë tifozë në Spanjë u shprehën se arbitri e kishte mbajtur shumë me hatër mesfushorin shqiptar. Por kjo nuk ndodhi ndaj Oviedos, në takimin që është duke u zhvilluar dhe gjendet në shifrat 1-0.
Bare me akrobacinë e tij ka bërë një ndërhyrje të rëndë ndaj kundërshtarit, duke e detyruar arbitrin që të nxjerr menjëherë kartonin e kuq. Bëhet fjalë për minutën e 30, ndërsa deri në ato momente lojtari shqiptar ishte duke zhvilluar një ndeshje shumë të mirë.
Sigurisht, kartonat dhe loja e fortë është e vetmja gjë që duhet të përmirësoj ky lojtar. Bare nuk i ka përmbajtur lotët pas largimit nga fusha, ndërsa trajneri ka shkuar menjëherë ta përqafoj dhe inkurajoj për atë moment të vështirë. /Shqiperia.ch/